laugardagur, nóvember 22, 2014

Opið bréf frá mér til mín

Elsku vinir
Síðustu vikur hef ég eins og aðrar vikur kíkt reglulega inn á Facebook síðuna mína. Nú er hinsvega komið að ákveðnu stoppi! Síðustu vikur hef ég lesið um:
-Nýrnahettuþreytu (þarf að segja meir??)
-Íslendinga sem vakna fyrir allar aldir (kl. 6) til að kaupa tískublómavasa (Þarf að segja meir?)
-Að lífið í Svíþjóð (og allmennt ALLSSTAÐAR annarsstaðar en á Íslandi) sé miklu MIKLU betra en á Íslandi (fólk talar bara svo oft með rassinum)
-Verkfall tónlistarkennara (mitt tónlistarsjúka eyra sem kann EKKERT á hljóðfæri vill að tónlistarmenntun á Íslandi haldi áfram)
-Verkfall lækna (heldur fólk að það sé mannsæmandi að vinna allan sólarhringinn í burtu frá börnum og búi til að hafa það gott)
-Leiðréttingu lána (sem flestir hafa eitthvað neikvætt um að segja)
-Hversu glataðir þeir séu sem taka leiðréttingunni en þurfa ekki nauðsynlega á því að halda (Halló fólk, þetta er leiðrétting)
-Brjálaða útlendinga sem vilja halda karlrembufyrirlestra á Íslandi (þarf að segja meir?)
-Fatlað fólk sem ekki fær stuðning við hæfi (þarf að segja meir?)
-Kaup ráðherra á nýjum lúxuskerrum (alveg í takti við annað í samfélaginu)
-Uppsagnir meðal eldri kvenna sem unnu við þrif (sennilegast gert til að eiga peninga fyrir lúxuskerrunum).
-Samræmd próf í íslensku sem eru samin af fólki sem ekki kann íslensku (google.translate kannski notað við gerð prófa??)

Svo má auðvitað minnast á allt það fólk sem hafði það svo slæmt í kreppunni (sem og núna) en hefur samt efni á að skreppa til útlanda oft á ári og kaupa dýra óþarfa hluti. Já eða alla leikina sem fólk spilar óspart á Facebook eða allt það prump sem kemur frá Smartlandi Mörtu Maríu.

Vegna þessa hef ég ákveðið að hætta að skoða Facebook í bili. Svona lagað getur bara ekki verið neitt agalega gott fyrir heilsuna! Eru Íslendingar virkilega orðnir svona gegnsýrðir af neikvæðni og svartsýni?? Fyrir utan það hefur Facebook síðan mín ákveður sjálf að velja það sem ég sé og sleppir mikilvægum hlut eins og þegar vinkonur mans fá verðlaun frá Háskóla Íslands!!
Þeir sem vilja ná í mig geta bara hringt í mig eða sent tölvupóst! Ps. Þeir fáu sem hafa hugsað sér að senda okkur jólakort: Við erum flutt síðan í fyrra!

Jóna, sem hefur ákveðið að vera aðeins meira brosandi næstu misserin!



laugardagur, maí 07, 2011

Þetta er alveg æðislegt

Sit á Háskólatorgi og er að læra sýklafræði. Yndislegt að hafa þetta hérna í eyrunum!

fimmtudagur, janúar 13, 2011

Bókagagnrýni I

Indjánin eftir Jón Gnarr

Já, hvað skal segja?? 200 blaðsíður af kjaftæði og sjálfsvorkun? Ég veit að bókin er skrifuð sem skálduð sjálfsævisaga en komm on... Bókin fjallar um Jón Gnarr frá fæðingu þangað til einhverntíman í grunnskóla. Lífið var erfitt, hann er örverpi, foreldrar hans sýndu honum lítinn skilning og allir voru vondir við hann. Þeir sem ekki voru vondir við hann urðu fyrir barðinu á honum sjálfum.

Orðið ég er klárlega ofnotað í bókinni, ÉG, ÉG, ÉG.

Ég veit eiginlega ekki alveg hvað ég á að segja um þessa lesningu. Ég hálf vorkenni manninum. Ekki endilega vegna þess hversu illa honum leið sem barn heldur vegna þess hversu sjálfhverfur hann er.

Hauskúpa vegna þess að það var alger dauði að lesa hana. Gleraugu vegna þess að mér finnst ég hafa grætt svolítið á því að lesa hana, mér finnst ég vita aðeins meira um manninn sem nú gegnir borgarstjórastöðu í Reykjavík.


Takk fyrir

fimmtudagur, desember 16, 2010

Armbeygjur

Svona í tilefni þess að það er alveg að fara að koma nýtt ár þá er ég að hugsa um að fara í smá armbeygjuprógram. Svona 1 armbeygja fyrsta janúar, 2 armbeyjur 2. janúar osfrv. Kannski að við stefnum á að gera þetta allaveganna í janúar. Ef það gengur þá gæti verið að ég haldi áfram í febrúar líka.

Svo er alveg farið að styttast í þrjátíuára afmælisdaginn. Eins og ég hef áður sagt þá er stefnan að vera 30 kíló á afmælisdaginn og ég held bara að það eigi eftir að takast!!

Illa grillaður kjúklingur

sunnudagur, desember 12, 2010

Aðventan

Vá hvað ég er eitthvað að missa mikið af aðventunni þetta árið! Það er svo sem ekkert nýtt. Þetta er þriðja árið í röð þar sem ég er að læra á aðventunni! Mér finnst þetta jaðra við að vera brot á mannréttindum að halda próf á þessum árstíma. Fjölskyldulíf er nánast ekkert og jólalög heyrast varla!

Aumingja ég!

sunnudagur, desember 05, 2010

12 dagar!

Jæja, þá eru 12 dagar í próflok. Bara TÓLF dagar!! Á þessum 12 dögum á ég eftir að taka 4 próf! Ég er sem sagt ekki byrjuð og samt eru um tvær vikur síðan ég var búin í skólanum. Úff. En jólin fara að koma: Jei

föstudagur, desember 03, 2010

Heppna ég

Þetta poppaði upp á skjánum hjá mér: You have just recived email from Jesus Christ.

Kristniboðskapurinn bara farin að berast með e-maili! Ég opnaði e-mailið samt ekki, vil helst ekki að jesús kristur sé að hlaða sínum boðskap í tölvuna mína!

fimmtudagur, desember 02, 2010

Endurskynsmerki

Fyrst ættuð þið að lesa þetta hér.
Þegar ég labbaði í leikskólan í morgun fannst mér ég vera örlítið öruggari vegna þess að Eygló Eva var með 2 auka endurskynsmerki á sér og ég var með eitt hangandi úr vasanum. Það er alveg ógeðslega dimmt úti þessa daganna og þess vegna alveg bráðnauðsynlegt að vera með endurskynsmerki á sér. Eins ættu allir bílstjórar að sýna sérstaka gætni þegar kemur að stöðum þar sem gangandi vegfarendur geta verið á ferð. Það er alveg óþarfi að gangandi vegfarendur deyji í umferðinni!

miðvikudagur, desember 01, 2010

Jólin

Jæja þá er DESEMBER bara mættur! Núna er tíminn kominn þegar flestir hafa það notalegt, kakó og smákökur eru alsráðandi og skemmtilegt tónlist hljómar. En hvað er ég að gera af mér þessa daganna?? Próf!! Jamm ég er í prófum núna og það er sko alls ekki uppáhaldið mitt. Mér finnst eiginlega að skólar ættu að hætta þessu prófstússi í desember. Þetta er mjög ófjölskylduvænt system sem bíður upp á búða spretthlaup korter í jól og fólk sofnar ofan í sósuna á aðfangadag!

En ég er sem betur fer aðeins búin að undirbúa jólin. Ég er til dæmis búin að kaupa allar jólagjafirnar! Jei, húrra fyrir mér. Svo er ég líka búin að kaupa jólapappír og krullubönd til að pakka herlegheitunum inn. Og svo er það piparkökubakstur í kvöld. Gerði smá deig í gærkvöldi... Tæp 2 kíló af hveiti, takk fyrir pent. Það verður það síðasta í alvöru jólaundirbúningi sem ég mun gera áður en að prófunum líkur. Það verður líka ágætt að eiga piparkökur til að narta í þegar lesið verður um litanir, blóð og hin ýmsustu krabbamein. Slurp

Jólakveðjur


ps. Bjarni þú ert nú meiri njósnarinn!

laugardagur, nóvember 27, 2010

Eigum við að ræða þetta eitthvað??


Klárlega með þeim mest krípí gaurum sem ég hef séð
Vá hvað ég væri nú alveg til í að skreppa í Hagkaup, kaupa mér poka af nammi og gúffa í mig. En ég ætla ekki að gera það. Ég er neflilega með svona 30 ára markmið: Þegar ég verð þrjátíu ára ætla ég að verða 30 kíló!

Kimba

Ég er alveg með þetta lag á heilanum núna... Þess vegna er ofsa gott að geta hlustað á tónlist á netinu!

föstudagur, maí 21, 2010

Gluggaplöntur

Í tilefni þess að ég er heimavinnandi húsmóðir ákvað ég að vera svolítið myndarleg í dag. Ég plantaði í dag nokkrum melónusteinum. Ef svo heppilega vildi til þá ætti eitthvað grænt að koma upp; svona aðeins til að lífga upp á heimilið. Planið er svo að setja niður eplasteina appeslínusteina, hvítlauk, tómatfræ og paprikufræ. Einnig er löngu kominn tími á að umpotta þeim plöntum sem nú þegar eru á heimilinu. Þegar því er lokið ætti að vera kominn flottur blær á heimilið. Haldið þið það ekki?
Hér koma svo nokkrar myndir frá fyrst gróðursetningunni.













Litlu pottarnir tveir tilbúnir


















Fræin komin í mold í græna pottinum












Fræ komin í bæði blá og græna












Búið að setja mold yfir fræin












Fræin og mamma þeirra

laugardagur, september 01, 2007

Þá er maður bara orðin mamma :) Við Gunnar eignuðumst stelpu á laugardaginn fyrir viku síðan og hún er nú bara mesta krútt sem ég veit um.

Hún er með heimasíðu. www.grislingur.blog.is en síðan er læst og þeir sem vilja vita lykilorðið geta sent á mig tölvupóst eða hringt.

Kveðja, Jóna mamma

miðvikudagur, ágúst 22, 2007

Ný tónlist :)

Sjibbý kóla.

Ég var að fá fullt af nýrri tónlist frá Ásgeiri. Nýja platan með Smashing Pumpkins, Timbaland, nokkrar plötur með Nouvelle Vague og tvær plötur með Amy Winehouse. Hljómar allt mjög spennandi, þetta eru að vísu 7,3 klukkutímar af efni, næstum heill vinnudagur. Maður massar þetta á einu bressi ha??

Annars var þetta ágætis göngutúr þarna í morgun. Varð að vísu hundblaut en það er allt í lagi, það biðu mín bananasprengjur þegar ég kom heim :) Þegar ég var búin að taka hádegisblundinn þá var komin sól! Heppin ég ;)

Bið að heilsa í bili
Miðvikudagsmorgunn kl. 8. Gat ekki sofið lengur entil 7:15 vegna þess að ljótu ruslamennirnir komu til að ná í ruslið. Oh, hvað þetta fer í taugarnar á mér. Ég meina, að vera að vesenast í öskutunnunum fyrir klukkan 8 á morgnanna ætti auðvitað bara að vera bannað.
Svona fyrir utan svefnleysi af völdum sorps þá er mér illt í bakinu og ég er þreytt í öllum liðum og vöðvum. Það mætti halda að ég hefði tekið illilega á því í ræktinni í gær. En ég gerði það ekki. Fór ekki einu sinni í göngutúr. Í gær sat ég uppi í sófa og horfði á eitthvað misspennandi sjónvarpsefni.
Í dag er planið fara út í stóran göngutúr. Ég ætla meira að segja bara að fara í göngutúr núna fyrir klukkan 9 þrátt fyrir að það sé geðveik rigning úti núna. Ég fer bara í regnjakka og regnbuxum. Svo ætla ég að nota húfu og vettlinga í fyrsta skipti í sumar. Jamm, ég hef ekkert notað vettlinga eða húfur í allt sumar, veðrið hefur einfaldega bara verið of gott til þess.


Það er einhver með hiksta og neitar að koma út ;)

sunnudagur, ágúst 19, 2007

Sunnudagur

Húfan búin og ég verð að segja að þetta lítur út fyrir að vera ágætis húfa. Að sjálfsöðu tókst mér að klúðra smá með því að sauma auka kannt neðan á húfuna á aðeins vitlausan stað en það gerir ekki mikið til, gefur húfunni bara karakter. Núna er ég byrjuð á eldrauðum buxum. Var að spá í að búa til maríuhænumunstur en ég held að það sé ekki alveg my cup of tea þannig að núna er buxurnar bara með tveimur svörtum röndum í stað margra svartra doppa. Oh well.

Fór í barnaafmæli í dag og þar var nú fjör. Magnús Ingvar var 4. ára í gær. Til hamingju með það.

föstudagur, ágúst 17, 2007

Föstudagsmorgunn kl. 10:13

Hvað er ég svo búin að gera í dag? Ég er búin að horfa á helming af einum þriðja af LOTR. Sem sagt einn disk af 6 í trílógíunni Hringadróttinssögu. Þetta tók mig aðeins 2 klukkutíma! Maður þarf sko greinilega að taka þetta í skömmtum. Þetta er þriðji dagurinn í röð sem ég horfi á myndina, eða það er hluta myndarinnar. Í dag horfði ég á seinni hluta miðju myndarinnar í lengri útgáfu og ég var heila tvo klukkutíma að því, þetta tekur á, ég glápi bara og glápi og myndin heldur áfram og áfram. Mikið er samt gaman að horfa á myndirnar. Ég var rétt í þessu að enda við að horfa á bardagann í Helm's Deep. Magnað, alveg magnað. Veit samt ekki hvort að ég horfi á meiri LOTR í dag. Maður verður neflilega þreyttur á að sitja fyrir framan sjónvarpið án þess að líta af skjánum. Það er ekki einu sinni hægt að prjóna þegar maður er að horfa á LOTR, það er svo mikið að gerast.

Svo heldur skemmtidagskráin bara áfram í dag. Mig langar svo að prjóna eina húfu. Gafst upp á að prjóna hjálm vegna þess að ég er prjónafötluð. Ef einhver getur sagt mér hvað á að gera þegar maður prjónar 3 snúnar sléttar saman, þá má viðkomandi gefa sig fram. Ég er hætt að vinna og get því ekki fengið prjónahjálp í vinnunni. Ég verð því að reyna við eitthvað léttara með góðum leiðbeiningum.

Held ég fari að skella mér í að fitja upp nokkrar lykkjur ;)

miðvikudagur, ágúst 15, 2007

Dagurinn í dag.

Þá er hann loksins runninn upp, 15. ágúst. Hvað er eiginlega merkilegt við daginn í dag? Jú, í dag er von á grísling í heiminn. Ekki bara einhver gríslingur heldur minn gríslingur. Litla bebeið er nú samt ekkert á leiðinni í heiminn akkúrat í þessum töluðu orðum, ég er eiginlega komin á þá skoðun að ég megi bíða í fullar 2 vikur eftir að fá barnið í hendurnar. En það er svo sem allt í lagi því að ég er ekkert farin að bíða og ég er ekkert farin að vera mjög þreytt.

Núna er hafin dagskrá sem heitir Skemmtum Jónu. Á næstu dögum ætla ég ekki að gera neitt annað en að glápa á sjónvarpið, lesa bækur og hafa það notalegt. Svona eins og sumir myndu segja þá ætla ég að nýta síðasta tækifærið áður en barnið kemur í heiminn til að gera sitthvað skemmtilegt.

Ég læt vita þegar gríslingurinn er kominn í heiminn, ekki hafa áhyggjur. Lofa samt ekki að vera dugleg að skrifa inn á þessa síðu.

Túdlídú

þriðjudagur, maí 08, 2007

Risessan.

Hver vill koma með mér niður í bæ á laugardaginn að sjá risessuna?

þriðjudagur, apríl 24, 2007

Mikið að gerast?

Er mikið að gerast hjá mér þessa dagana? Ég get nú ekki alveg sagt það. Vinna vinna, ekkert minna. Ég er að vísu farin að stunda jóga 2-3 í viku og það er bara ósköp notalegt. Er hætt í Baðhúsinu, ISF húsununm í bili. Þetta er bara komið gott í bili, þeir þurfa aðeins að fara að bæta hressleikann í stöðvunum sínum til að ég nenni að fara til þeirra í bráð.
Gunnar minn er í prófum núna og eins leiðinlegt og manni sjálfum finnst að vera í prófum þá er ég farin að vera pínu óþreyjufull í biðinni eftir próflokum. Góður stuðningur við eiginmannina þar!! Mig vantar bara stundum smá athyggli ;) Veit að ég fæ alla þá athyggli sem ég þarf í sumar svo ég get bara farið að hlakka til :


Vá, þessi póstur er bara orðin X margar línur. Persónulegt met, ha?

mánudagur, apríl 23, 2007

The Landlord

Mega fyndið myndband. Þar sem ég er ekki tölvunörd þá get ég ekki sett myndbandið beint inn en endilega ýtið hér til að skoða.

Óður héri réðst á eldri hjón í Austurríki

Lögreglumenn neyddust til þess að drepa óðan héra sem réðst á eldri hjón í norðurhluta Austurríkis. Að sögn lögreglu réðst fimm kílóa dýrið á 74 ára gamla konu er hún var að hengja upp þvott í garðinum sínum í Linz. Þegar eiginmaður hennar ætlaði að koma frúnni til bjargar réðst hérinn á hann.
Dýrið lét ekki þar við staðar numið heldur réðst einnig á tvo lögreglumenn sem voru sendir á staðinn til þess að hjálpa hjónunum. Að sögn lögreglu áttu þeir einskis annars úrkosti en að beita skammbyssum sínum á dýrið.
„Við vitum að naut, svín eða hundar geta orðið sérstaklega árásargjörn, en þetta er í fyrsta sinn sem þetta gerist með héra,“ sagði talsmaður lögreglu. Gamla konan var flutt á sjúkrahús með hérabit á fótunum, en dýralæknir rannsakar nú hvort hérinn hafi verið haldinn hundaæði eður ei. Robert Ferdiny, dýralæknir í Linz, segir að hundaæðiveiran hafi ekki greinst í Linz og nágrannahéruðum þess í yfir 15 ár.
Ferdiny segir að svo gæti verið að rekja megi undarlega hegðun hérans til þess að hann hafi verið á „kynþroskaskeiðinu sem hafi ágerst í miklum hlýindum,“ en afar hlýtt hefur verið í veðri í Austurríki að undanförnu miðað við árstímann.

Þessi frétt er fengin af mbl.is og hefur ágætis skemmtanagildi fyrir þreytta íslendinga á grámyglulegum mánudagsmorgni. Hefði samt ekki viljað lenda í þessu sjálf.

Önnur pæling á mánudagsmorgni: Af hverju þurfa eldri konur að nota vond ilmvötn. Ég er svöng og þess vegna er mér hálf óglatt og ég er bara að deyja úr vondri ilmvatnslykt!!

fimmtudagur, apríl 19, 2007

föstudagur, mars 30, 2007

Mikið er eitthvað leiðinlegt veður úti núna, bara rok og rigning. Úff. Vonandi batnar veðrið eitthvað þegar á líður daginn því það er svo gaman þegar er gott veður úti. Annars er barasta allt gott að frétta, jei, alltaf glens og gaman :)


Annars væri ég alveg til í að vera hérna núna:



fimmtudagur, mars 29, 2007

Plan helgarinnar

Jobbý jei, það er barasta að koma helgi. Helgin byrjar klukkan 2 á morgun því að ég ætla að hætta fyrr í vinnunni svona í tilefni dagsins :) Kannski að maður skelli sér á eitthvað gott að borða annað kvöld og fari síðan heim og kíkji kannski á eina bíómynd eða svo. Síðan er ég að spá í að gerast prjónasnillingur um helgina. Klára hinn sokkinn sem ég á eftir að gera svo að ég eigi par. Kannski að maður geri svo eitt par til viðbótar af prjónuðum sokkum svona til að stúdera prjónalistina aðeins betur svo að maður geti kannski prjóna peysu. Kannski að maður kíki svo á Wilson Muga um helgina og eldi sér svo gott lambakjöt. Slurp.

Sem sagt lítur þetta út fyrir að verða yndælis helgi :)

þriðjudagur, mars 13, 2007

RR

Sit fyrir framan sjónvarpið núna og er að horfa á Rachel Ray. Mér finnst hún nú bara alveg æðisleg og mikið langar mig að borða matinn hennar. Slurp. Hér er einmitt maturinn sem hún er að elda núna. Spurning hvort að maður skelli í svona í vikunni??

mánudagur, febrúar 19, 2007

Í sundi

Stelpur, stelpur flýtið ykkur!! Ég er í mestu makindum að klæða mig í fötin mín þegar hópur stelpna 13-14 ára hleypur inn í sturturnar og fara þar í hraðböð. Þið vitið ekki hvað hann er lengi að klæða sig. Hann veit ekki af okkur, FLÝTIÐ YKKUR!!! Ein stelpan sem er greinilega mest æst í að flýta sér upp úr kallar ergileg á vinkonur sínar sem eru greinilega ekki nógu fljótar út úr sturtunum. Týpískt, ég er í ljótum fötum!!! Ok, ok. Rólegar á því að sæti strákurinn í bekknum sé á leiðinni upp úr sundi og þeim langi mikið til að tala við hann. Hann veit ekki að þær eru að koma og þær verða að ná honum áður en hann fer. Síðan heyri ég eitthvað um eiginhandaráritun og mér snýst hugur að þetta sé sæti strákurinn í bekknum, kannski er þetta Magni eða Jónsi eða einhver á líka mikill hjartaknúsari.

Fer fram og sé þar fullorðinn mann vera að klæða börnin sín í skó. Það var þá hann sem að stelpurnar voru æstar í að hitta.

laugardagur, janúar 27, 2007

Nasreddin Múlla brandarar

Ég man eftir bröndurum um Nasreddin frá því að ég var lítil. Veit ekki alveg hvaðan en ég bíst við að pabbi minn hafi sagt mér þá. Þetta voru einskonar Hafnarfjarðarbrandarar. Eitt sinn setti Nasreddin þungan sekk á herðar sér og settist svo á bak asnans síns. Síðar var hann spurður af hverju hann læti ekki sekkinn á bak asnans og þá svaraði Nasreddin: Eins og ég sé ekki nógu þung byrgði fyrir asnan!! Ég man alveg greinilega eftir því að hafa heyrt þennan brandara oft þegar ég var lítil og mér fannst hann alveg svakalega fyndinn.

Ég er að lesa Flugdrekahlauparann núna og þá er einmitt talað um Nasreddin brandara sem Afganar kunna. Amir og Farid eru að tala saman og Farid segir brandara. Talibanar ráða ríkjum og þeir segja brandara. Mér fannst ég vera eitthvað ótrúlega nálægt þeim þegar ég las þetta. Ég sá fyrir mér niðurnýddar göturnar í Kabúl, ilmandi kebab og munaðarleysingjahæli sem var yfirfullt af börnum. Aðstæður þeirra eru svo fjarlægar minni veröld en um leið fannst mér ég skynja svo vel hvað við erum öll lík. Við segjum sömu brandarana og öll viljum við það sama. Æji þið vitið.

Ég er samt voða sorgmædd eftir að hafa lesið í bókinni. Hún er ekki alveg búin en ég á ekki mikið eftir. Ótrúlegt hvað bækur geta haft mikil áhrif á mann.

fimmtudagur, janúar 25, 2007

Bloggið

Held að ég sé eitthvað búin að klúðra þessu blogg. Allir tenglarnir dottnir út og ég get ekki sett gamla templatið inn. Þetta þýðir bara að ég er klúðrari í þessu og ég þarf að fá eitthvað sniðugt forrit sem ég get notað mér til að breyta þessu drasli.

Var aðeins að kíkja á gamlar færslur og þá sá ég nokkuð sem ég hafði skrifað þegar ég var að skrifa BA ritgerðina mína. Hvert er atbeini líkamans í krufningu?

Vá hvað ég sakna þess að vera í skóla og skrifa ritgerðir og vera í pælingum. Sakna þess að steja fram hugmyndir, hugsa um þær, rökræða og lesa sig til um hlutinn. Held að ég verði að fara að drífa mig í skóla aftur.

föstudagur, janúar 19, 2007

Fór á Sinfoníutónleika í gær. Mjög gaman að skoða skóna sem spilararnir voru í! He he. Vorum á fremsta bekk, eða sko við héldum að við ættum að vera á 2. bekk (sem við vorum) nema hvað að það var enginn á 1. bekk svo að við vorum fremst.

Gaman gaman.

Hér er það sem við fóru að sjá. Hund.

föstudagur, janúar 12, 2007

Nýtt ár

Jæja fólk. Mig langar til að óska ykkur öllum gleðilegs nýs árs. Vonandi hafið þið það sem allra best á nýju ári. Ég veit að ég ætla að hafa það rosalega gott á þessu ári.

Vííí