miðvikudagur, júlí 30, 2003

Verlsunarmannahelgin nálgast óðfluga... Og viti menn, spáð er ekki svo góðu veðri. Kannski ágætis veðri en engu til að hrópa húrra fyrir. Vonum bara að þeir sem ætla út úr bænum fá gott veður, því að það er miklu skemmtilegra að vera í útilegu þegar er gott veður.
Mér finnst ekki að Árni Stelari eigi að fá helgarfrí úr fangelsi til að fara að skemmta sér!

föstudagur, júlí 25, 2003

Svona eru dómar ANNARS STAÐAR en á Íslandi!!!

Spænskur dómstóll dæmdi í dag tvo menn úr ETA, aðskilnaðarsamtökum Baska, í 790 ára og sex mánaða fangelsi hvorn, fyrir að sprengja sprengju sem varð 21 að bana í stórmarkaði í Barcelona árið 1987. Tekið af mbl.is

Hvað fá Íslenskir morðingjar??? Ég bara spyr?

þriðjudagur, júlí 22, 2003

Leiðinlegt veður.is En það er kannski bara ágætt að hafa slæmt veður í smá tíma vegna þess að þá hef ég afsökun til að vera inni og lesa nýju bókina mína! Lesi Lesison.

föstudagur, júlí 18, 2003

Ef þið hafið áhuga á flottu fólki, kíkið hér og hér.
Hvers vegna kreista sumir tannkremstúpurnar að framan en ekki aftan frá eins og eðlilegt er?

Því miður er það nú svo að fólk viðhefur ýmiss konar óeðli. Ritstjórn Vísindavefsins hefur til dæmis spurnir af fólki sem fer öfugu megin fram úr rúminu, klæðir sig í hægri sokkinn á undan þeim vinstri, hengir klósettrúllurnar upp þannig að endinn á pappírnum snúi inn og þrjóskast við að skrifa nafnið Anna aftur á bak. Svona hegðun ætti auðvitað alls ekki að viðgangast og er hræðilegt til þess að hugsa að fólk sé jafnvel að hafa svona lagað fyrir börnum og öðrum viðkvæmum og áhrifagjörnum sálum.

Ástæður þess að fólk kreistir tannkremstúpur að framan geta verið nokkrar. Hugsanlega er viðkomandi uppsigað við aðra á heimili sínu og gerir þetta til að angra þá. Annar möguleiki er að viðkomandi sé að lýsa frati á hefðir og venjur í samfélaginu. Á vísindamáli er það kallað andfélagsleg hegðun. Andfélagslega hegðun ber alltaf að reyna að hindra enda afar mikilvægt að allir geri hlutina eins.

Meðal annarra mögulegra ástæðna má svo nefna sálræna galla úr fyrra lífi, sýkingu í litlutá (við henni skal leita læknishjálpar) og almennt óeðli. Auk þess hefur verið bent á þann möguleika að viðkomandi geti verið á mála hjá tannkremsframleiðendum þar sem ljóst er að tannkremið nýtist síður sé túpan að jafnaði kreist að framan, einkum þó ef aðferðinni er fylgt út í hörgul með því að skilja eftir tannkremið aftast í túpunni.

Þeim sem búa með óeðlilegum einstaklingum eins og lýst er hér á undan hefur stundum verið ráðlagt að hafa eigin tannkremstúpu sem þeir geta kreist eftir sínu höfði (já) til að forðast árekstra á heimilinu. Þetta ráð má kannski notast við í neyð en það hlýtur þó að flokkast undir uppgjöf. Ritstjórn Vísindavefsins skorar á lesendur að beita sér fyrir því að sú stórskaðlega hegðun að kreista tannkremstúpur að framan verði gerð refsiverð með hæfilegum og vel völdum viðurlögum.

Svo gæti náttúrlega líka komið til greina að gera þá kröfu til tannkremsframleiðenda, sem eru raunar ekki margir, að þeir framleiði eingöngu túpur sem er ekki hægt að kreista að framan. Til dæmis mætti hugsa sér nú á dögum að maður sem reyndi slíkt fengi rafstuð, ekki ósvipað því ef hann reyndi að kreista af öllu afli vænan hrökkál.

Að lokum viljum við nefna að okkur er ekki kunnugt um hvort rannsóknir hafi verið gerðar á þessu frá sjónarmiði tannlækninga. Slíkar rannsóknir eru reyndar vandasamar til dæmis vegna þess að óeðlishópurinn kann að vera miklu klaufskari við tannburstun en hinn. Ef rannsóknir sýndu marktækan mun á tannheilsu gæti það því verið orsökin.


Tekið af Vísindavef Háskóla Íslands
Útilega, útilega. Gaman, gaman. Við Gunnar ætlum að renna upp á Snæfellsnes í kvöld og það verður sól og ofboðslega gott veður um helgina. Mikið af góðum mat og margir ávextir. Var allt í einu að ávaxtafrík þegar ég fór í búðina í gær og keypti fullt. Nammi namm.

Ég á nýju Harry Potter bókina! Vííí! Ég fékk hana í fullorðinsútgáfu, veit ekki alveg af hverju fullorðinsútgáfa er til???
Ég er hetja. Mér finnst það allaveganna. Ég fór og gaf blóð í gær. Núna er ég með gat í olnboganum... Kíkið hér ef þið viljið gerast blóðgjafar og hjálpa öðrum.

þriðjudagur, júlí 15, 2003

Men, það er megalítið að gera í vinnunni hjá mér. Hvað er eiginlega málið? Jú, málið er að núna eru læknarnir í fríi og vilja því ekki senda okkur sýni. Sniff sniff. Það verður víst bara að hafa það, ekkert hægt að gera í málinu!!
Ég fór samt í Dungalsafn áðan með 2 öðrum úr vinnunni og einum sendibílstjóra! Við eru ótrúlega klár því að við henntum ekki neinum kassa um koll. Jibbý duglegu við.

Blogg

Fór í erfiðan tíma í Body Step í gærkvöldi. Það er gaman í Body Step, gaman flaman saman.
Annars hlakka ég til að fara í útilegu um næstu helgi. Sneffels her ví komm...

mánudagur, júlí 14, 2003

Kónguló

Kónguló, kónguló, vísaðu mér í berjamó. (Og hættu að gera vefi í gluggan minn). Kóngulóin vinur minn er hætt að eiga heima í herbergisglugganum hans Gunnars, núna á hún heima á kóngulóarhimnum! Hún var rekinn úr glugganum vegna vanskila á leigugreiðslum, he he. Nei djók. Hún var rekin úr glugganum vegna þess að hún var orðin obboslega stór. Og þar að auki hafði hún boðið vinkonusinni að flytja inn á glugganum, sem sagt inni í herbergið! Oj bara. Þær stöllur fengu sem sagt að fara! Bless bless. Við vilju bara eiga heima í þessu herbergi og þeir einu sem fá að deila því eru Rubbi Risaeðla (dáinn), Jóna Mús og Gunnar Græni og síðan er Nabbi Narfason stundum heima! Við viljum ekki að hlussukóngulær eigi heim í herberginu okkar!
Ég er með sár í munninum eftir að hafa hámað í mig ferskan ananas í hádeginu, nammi namm. Slurp.is. Fór til Kamillu á laugardaginn, takk fyrir heimboðið Kamilla! Voða voða næs. Drukkum Rawson's Retreat sem var bara mjög gott vín. Nammi namm. Ég eldaði líka snilldar borgara, sem silljón kryddum á og svo smakkaði ég líka Kúrbít og Mangó. Það var sem sagt borða og drukkið um helgina!

föstudagur, júlí 11, 2003

Til hamingju allir þeir sem eru að fara í útilegu í kvöld. Það er komið himneskt veður úti. Kannski svolítið rok og ekkert allt of mikill hiti, en það er SÓL. Gaman gaman. Boring, ég þarf að fara að vinna á eftir. Ha en ég er í vinnunni núna! Já en þegar ég er búin hér á Rannsóknarstofunni þarf ég að fara að vinna í Ríkinu. Ríki smíki, áfengi káfengi. Af hverju er ekki bara hægt að loka búðum þegar er gott veður?? Ég bara spyr. Ég vona samt að góða veðrið haldist þangað til á morgun því að þá er ég að fara út úr bænum. Já já, ég er að fara út úr bænum enn eina helgina! En það er bara gaman. :) :)

miðvikudagur, júlí 09, 2003

Ljóta BT. Þeir auglýstu að það væri frír bíómiði með ef að maður keypti Charlie's Angels 1. Þegar í búðina var komið þá voru auðvitað allir miðarnir búnir. Ljóta BT starfsfólk að geyma ekki miða handa mér. Arg. Fór bara í Bónus og eyddi hellingspening þar. Ohh. Dýri matur.
Hve mikið færðu fyrir 100 hitaeiningar?

1 dós skyr.is m/vanillu
16 hnetur
1 meðalstórt epli
3 stórar gulrætur
13 stöngla sellerí
14 bolla af jöklasalati (iceberg)
3 bolla af þurrpoppuðu poppkorni
2 bolla af poppkorni, poppuðu í olíu
10 kartöfluflögur
30 saltstangir
57 radísur
1 heilhveitirúnstykki
1 meðalstóran banana
1 3/4 bolli melóna
2 súkkulaðikexkökur
1/2 amerískur kleinuhringur
25 M&M (venjulegt)
1 meðalstóra appelsínu
2 1/2 meðalstórar ferskjur
64 rúsínur
1/2 sneið af sandköku
1/3 af Snickerssúkkulaði
6 tsk. af hvítum sykri
250 g ferskt spergilkál
1/2 kjúklingabringa án húðar
1 1/2 soðið egg
1 stóra bakaða kartöflu
4 meðalstóra tómata
7 meðalstórar franskar kartöflur
1 bolla bjór
1 bolla appelsínusafa
2 bolla tómatsafa
1/2 bolla léttvín

Hrollur??!!

Vinna vinna
Síðan mín er orðin skær græn. Held að það ætti að breyta nafninu mínu í Jóna Græna... :)
Fór í Body Combat í gær. Það var gaman nema hvað að ég gat ekki kýlt alveg nógu mikið vegna harðsperra. Ái það er ekkert sérstaklega gott að vera með harðsperrur. Fékk mér síðan pizzu á Papinos, nammi namm, nema hvað að það var laukur á pizzunni, oj bara. En pizzan var samt alveg rosalega góð. vííí

mánudagur, júlí 07, 2003

Helgin

Helgin var frábær. Mér fannst það allaveganna! Gunnar og ég fórum í útilegu í Þjórsárdal. Í upphafi var planið að fara í hádeginu á laugardal og gista í Árnesi og fara með Tígrum og frúm. Á föstudeginum byrjaði planið að breytast. Okkur Gunnari langaði að leggja af stað á föstudeginum af því að það var rosalega gott veður. Eftir rosalegt búðaráp á föstudeginum lögðum við af stað í austurátt. Síðar komumst við að því að ferðaplani Tígranna hafði verið breytt og þeir voru að fara á Færeyska daga í Ólafsvík. Gaman gaman.
Allaveganna, þá ákváðum við Gunnar að gista í Þjórsárdal. Tjaldið var ekki komið upp fyrr en um miðnætti (veit ekki alveg af hverju) og við Gunnar eyddum afganginum af deginum í að drekka bjór, mmm.
Laugardagurinn fór í að skoða ýmsa merka staði: Þjóðveldisbæinn, Hjálp, Búrefellsvirkjun og Hrauneyjafosvirkjun. Við vorum næstum komin upp á Hálendið á honum Timmy litla. Duglegur Timmy. Við fórum líka í sund þennan daginn, leiðin þangað einkenndist af þvottabrettum!! ooooo!! Klukkan sjö birjaði að rigna... Við grilluðumum samt! Fengum rigningaleginn lambaframpart, nammi namm.
Á hádegi á sunnudag var ennþá rigning! En við létum það ekki á okkur hafa, skoðuðum Stöng og fórum síðan heim.
Sem sagt mögnuð helgi. Gaman gaman. Mér finnst gaman í útilegu.

miðvikudagur, júlí 02, 2003

Leikfimi

Hæ, ég fór til í Body step áðan og það var gaman. Það virtust vera 2 ár síðan ég fór síðast, svo að ég var nokkuð viss um að ég myndi vera eins og hálfviti í tímanum, nýtt prógram og svona!! En viti menn, ég var ekki eins og hálfviti, body step er líka alltaf eins, eða svona næstum því. Þó nokkur andlit voru kunnugleg, þar á meðal athygglissjúki hommahópurinn en túrkis blú band var ekki!
Eftir tíman fékk ég mér smá skemmtigöngu á hlaupabrettinu og kíkti svo í teygjusalinn. Þar var íþróttaálfurinn hann Maggi Skafa og vinur hans að gera silljón trilljón armbeyjur!!
Eftir gymmið óð ég gras, sem var svo blautt að buxurnar mínar urðu rennandi blautar og ég varð að vinda þær. Tvisvar!!