Þá er maður bara orðin mamma :) Við Gunnar eignuðumst stelpu á laugardaginn fyrir viku síðan og hún er nú bara mesta krútt sem ég veit um.

Hún er með heimasíðu. www.grislingur.blog.is en síðan er læst og þeir sem vilja vita lykilorðið geta sent á mig tölvupóst eða hringt.

Kveðja, Jóna mamma

Ný tónlist :)

Sjibbý kóla.

Ég var að fá fullt af nýrri tónlist frá Ásgeiri. Nýja platan með Smashing Pumpkins, Timbaland, nokkrar plötur með Nouvelle Vague og tvær plötur með Amy Winehouse. Hljómar allt mjög spennandi, þetta eru að vísu 7,3 klukkutímar af efni, næstum heill vinnudagur. Maður massar þetta á einu bressi ha??

Annars var þetta ágætis göngutúr þarna í morgun. Varð að vísu hundblaut en það er allt í lagi, það biðu mín bananasprengjur þegar ég kom heim :) Þegar ég var búin að taka hádegisblundinn þá var komin sól! Heppin ég ;)

Bið að heilsa í bili

Miðvikudagsmorgunn kl. 8. Gat ekki sofið lengur entil 7:15 vegna þess að ljótu ruslamennirnir komu til að ná í ruslið. Oh, hvað þetta fer í taugarnar á mér. Ég meina, að vera að vesenast í öskutunnunum fyrir klukkan 8 á morgnanna ætti auðvitað bara að vera bannað.
Svona fyrir utan svefnleysi af völdum sorps þá er mér illt í bakinu og ég er þreytt í öllum liðum og vöðvum. Það mætti halda að ég hefði tekið illilega á því í ræktinni í gær. En ég gerði það ekki. Fór ekki einu sinni í göngutúr. Í gær sat ég uppi í sófa og horfði á eitthvað misspennandi sjónvarpsefni.
Í dag er planið fara út í stóran göngutúr. Ég ætla meira að segja bara að fara í göngutúr núna fyrir klukkan 9 þrátt fyrir að það sé geðveik rigning úti núna. Ég fer bara í regnjakka og regnbuxum. Svo ætla ég að nota húfu og vettlinga í fyrsta skipti í sumar. Jamm, ég hef ekkert notað vettlinga eða húfur í allt sumar, veðrið hefur einfaldega bara verið of gott til þess.


Það er einhver með hiksta og neitar að koma út ;)

Sunnudagur

Húfan búin og ég verð að segja að þetta lítur út fyrir að vera ágætis húfa. Að sjálfsöðu tókst mér að klúðra smá með því að sauma auka kannt neðan á húfuna á aðeins vitlausan stað en það gerir ekki mikið til, gefur húfunni bara karakter. Núna er ég byrjuð á eldrauðum buxum. Var að spá í að búa til maríuhænumunstur en ég held að það sé ekki alveg my cup of tea þannig að núna er buxurnar bara með tveimur svörtum röndum í stað margra svartra doppa. Oh well.

Fór í barnaafmæli í dag og þar var nú fjör. Magnús Ingvar var 4. ára í gær. Til hamingju með það.

Föstudagsmorgunn kl. 10:13

Hvað er ég svo búin að gera í dag? Ég er búin að horfa á helming af einum þriðja af LOTR. Sem sagt einn disk af 6 í trílógíunni Hringadróttinssögu. Þetta tók mig aðeins 2 klukkutíma! Maður þarf sko greinilega að taka þetta í skömmtum. Þetta er þriðji dagurinn í röð sem ég horfi á myndina, eða það er hluta myndarinnar. Í dag horfði ég á seinni hluta miðju myndarinnar í lengri útgáfu og ég var heila tvo klukkutíma að því, þetta tekur á, ég glápi bara og glápi og myndin heldur áfram og áfram. Mikið er samt gaman að horfa á myndirnar. Ég var rétt í þessu að enda við að horfa á bardagann í Helm's Deep. Magnað, alveg magnað. Veit samt ekki hvort að ég horfi á meiri LOTR í dag. Maður verður neflilega þreyttur á að sitja fyrir framan sjónvarpið án þess að líta af skjánum. Það er ekki einu sinni hægt að prjóna þegar maður er að horfa á LOTR, það er svo mikið að gerast.

Svo heldur skemmtidagskráin bara áfram í dag. Mig langar svo að prjóna eina húfu. Gafst upp á að prjóna hjálm vegna þess að ég er prjónafötluð. Ef einhver getur sagt mér hvað á að gera þegar maður prjónar 3 snúnar sléttar saman, þá má viðkomandi gefa sig fram. Ég er hætt að vinna og get því ekki fengið prjónahjálp í vinnunni. Ég verð því að reyna við eitthvað léttara með góðum leiðbeiningum.

Held ég fari að skella mér í að fitja upp nokkrar lykkjur ;)

Dagurinn í dag.

Þá er hann loksins runninn upp, 15. ágúst. Hvað er eiginlega merkilegt við daginn í dag? Jú, í dag er von á grísling í heiminn. Ekki bara einhver gríslingur heldur minn gríslingur. Litla bebeið er nú samt ekkert á leiðinni í heiminn akkúrat í þessum töluðu orðum, ég er eiginlega komin á þá skoðun að ég megi bíða í fullar 2 vikur eftir að fá barnið í hendurnar. En það er svo sem allt í lagi því að ég er ekkert farin að bíða og ég er ekkert farin að vera mjög þreytt.

Núna er hafin dagskrá sem heitir Skemmtum Jónu. Á næstu dögum ætla ég ekki að gera neitt annað en að glápa á sjónvarpið, lesa bækur og hafa það notalegt. Svona eins og sumir myndu segja þá ætla ég að nýta síðasta tækifærið áður en barnið kemur í heiminn til að gera sitthvað skemmtilegt.

Ég læt vita þegar gríslingurinn er kominn í heiminn, ekki hafa áhyggjur. Lofa samt ekki að vera dugleg að skrifa inn á þessa síðu.

Túdlídú

Til hamingju með daginn konur

Risessan.

Hver vill koma með mér niður í bæ á laugardaginn að sjá risessuna?

Mikið að gerast?

Er mikið að gerast hjá mér þessa dagana? Ég get nú ekki alveg sagt það. Vinna vinna, ekkert minna. Ég er að vísu farin að stunda jóga 2-3 í viku og það er bara ósköp notalegt. Er hætt í Baðhúsinu, ISF húsununm í bili. Þetta er bara komið gott í bili, þeir þurfa aðeins að fara að bæta hressleikann í stöðvunum sínum til að ég nenni að fara til þeirra í bráð.
Gunnar minn er í prófum núna og eins leiðinlegt og manni sjálfum finnst að vera í prófum þá er ég farin að vera pínu óþreyjufull í biðinni eftir próflokum. Góður stuðningur við eiginmannina þar!! Mig vantar bara stundum smá athyggli ;) Veit að ég fæ alla þá athyggli sem ég þarf í sumar svo ég get bara farið að hlakka til :


Vá, þessi póstur er bara orðin X margar línur. Persónulegt met, ha?

The Landlord

Mega fyndið myndband. Þar sem ég er ekki tölvunörd þá get ég ekki sett myndbandið beint inn en endilega ýtið hér til að skoða.

Óður héri réðst á eldri hjón í Austurríki

Lögreglumenn neyddust til þess að drepa óðan héra sem réðst á eldri hjón í norðurhluta Austurríkis. Að sögn lögreglu réðst fimm kílóa dýrið á 74 ára gamla konu er hún var að hengja upp þvott í garðinum sínum í Linz. Þegar eiginmaður hennar ætlaði að koma frúnni til bjargar réðst hérinn á hann.
Dýrið lét ekki þar við staðar numið heldur réðst einnig á tvo lögreglumenn sem voru sendir á staðinn til þess að hjálpa hjónunum. Að sögn lögreglu áttu þeir einskis annars úrkosti en að beita skammbyssum sínum á dýrið.
„Við vitum að naut, svín eða hundar geta orðið sérstaklega árásargjörn, en þetta er í fyrsta sinn sem þetta gerist með héra,“ sagði talsmaður lögreglu. Gamla konan var flutt á sjúkrahús með hérabit á fótunum, en dýralæknir rannsakar nú hvort hérinn hafi verið haldinn hundaæði eður ei. Robert Ferdiny, dýralæknir í Linz, segir að hundaæðiveiran hafi ekki greinst í Linz og nágrannahéruðum þess í yfir 15 ár.
Ferdiny segir að svo gæti verið að rekja megi undarlega hegðun hérans til þess að hann hafi verið á „kynþroskaskeiðinu sem hafi ágerst í miklum hlýindum,“ en afar hlýtt hefur verið í veðri í Austurríki að undanförnu miðað við árstímann.

Þessi frétt er fengin af mbl.is og hefur ágætis skemmtanagildi fyrir þreytta íslendinga á grámyglulegum mánudagsmorgni. Hefði samt ekki viljað lenda í þessu sjálf.

Önnur pæling á mánudagsmorgni: Af hverju þurfa eldri konur að nota vond ilmvötn. Ég er svöng og þess vegna er mér hálf óglatt og ég er bara að deyja úr vondri ilmvatnslykt!!

Krúttlegt

Er hægt að vera meira krútt en þessi litli ísbjörn? Ég bara spyr?

Mikið er eitthvað leiðinlegt veður úti núna, bara rok og rigning. Úff. Vonandi batnar veðrið eitthvað þegar á líður daginn því það er svo gaman þegar er gott veður úti. Annars er barasta allt gott að frétta, jei, alltaf glens og gaman :)

Annars væri ég alveg til í að vera hérna núna:

Plan helgarinnar

Jobbý jei, það er barasta að koma helgi. Helgin byrjar klukkan 2 á morgun því að ég ætla að hætta fyrr í vinnunni svona í tilefni dagsins :) Kannski að maður skelli sér á eitthvað gott að borða annað kvöld og fari síðan heim og kíkji kannski á eina bíómynd eða svo. Síðan er ég að spá í að gerast prjónasnillingur um helgina. Klára hinn sokkinn sem ég á eftir að gera svo að ég eigi par. Kannski að maður geri svo eitt par til viðbótar af prjónuðum sokkum svona til að stúdera prjónalistina aðeins betur svo að maður geti kannski prjóna peysu. Kannski að maður kíki svo á Wilson Muga um helgina og eldi sér svo gott lambakjöt. Slurp.

Sem sagt lítur þetta út fyrir að verða yndælis helgi :)

RR

Sit fyrir framan sjónvarpið núna og er að horfa á Rachel Ray. Mér finnst hún nú bara alveg æðisleg og mikið langar mig að borða matinn hennar. Slurp. Hér er einmitt maturinn sem hún er að elda núna. Spurning hvort að maður skelli í svona í vikunni??

Í sundi

Stelpur, stelpur flýtið ykkur!! Ég er í mestu makindum að klæða mig í fötin mín þegar hópur stelpna 13-14 ára hleypur inn í sturturnar og fara þar í hraðböð. Þið vitið ekki hvað hann er lengi að klæða sig. Hann veit ekki af okkur, FLÝTIÐ YKKUR!!! Ein stelpan sem er greinilega mest æst í að flýta sér upp úr kallar ergileg á vinkonur sínar sem eru greinilega ekki nógu fljótar út úr sturtunum. Týpískt, ég er í ljótum fötum!!! Ok, ok. Rólegar á því að sæti strákurinn í bekknum sé á leiðinni upp úr sundi og þeim langi mikið til að tala við hann. Hann veit ekki að þær eru að koma og þær verða að ná honum áður en hann fer. Síðan heyri ég eitthvað um eiginhandaráritun og mér snýst hugur að þetta sé sæti strákurinn í bekknum, kannski er þetta Magni eða Jónsi eða einhver á líka mikill hjartaknúsari.

Fer fram og sé þar fullorðinn mann vera að klæða börnin sín í skó. Það var þá hann sem að stelpurnar voru æstar í að hitta.

Nasreddin Múlla brandarar

Ég man eftir bröndurum um Nasreddin frá því að ég var lítil. Veit ekki alveg hvaðan en ég bíst við að pabbi minn hafi sagt mér þá. Þetta voru einskonar Hafnarfjarðarbrandarar. Eitt sinn setti Nasreddin þungan sekk á herðar sér og settist svo á bak asnans síns. Síðar var hann spurður af hverju hann læti ekki sekkinn á bak asnans og þá svaraði Nasreddin: Eins og ég sé ekki nógu þung byrgði fyrir asnan!! Ég man alveg greinilega eftir því að hafa heyrt þennan brandara oft þegar ég var lítil og mér fannst hann alveg svakalega fyndinn.

Ég er að lesa Flugdrekahlauparann núna og þá er einmitt talað um Nasreddin brandara sem Afganar kunna. Amir og Farid eru að tala saman og Farid segir brandara. Talibanar ráða ríkjum og þeir segja brandara. Mér fannst ég vera eitthvað ótrúlega nálægt þeim þegar ég las þetta. Ég sá fyrir mér niðurnýddar göturnar í Kabúl, ilmandi kebab og munaðarleysingjahæli sem var yfirfullt af börnum. Aðstæður þeirra eru svo fjarlægar minni veröld en um leið fannst mér ég skynja svo vel hvað við erum öll lík. Við segjum sömu brandarana og öll viljum við það sama. Æji þið vitið.

Ég er samt voða sorgmædd eftir að hafa lesið í bókinni. Hún er ekki alveg búin en ég á ekki mikið eftir. Ótrúlegt hvað bækur geta haft mikil áhrif á mann.

Bloggið

Held að ég sé eitthvað búin að klúðra þessu blogg. Allir tenglarnir dottnir út og ég get ekki sett gamla templatið inn. Þetta þýðir bara að ég er klúðrari í þessu og ég þarf að fá eitthvað sniðugt forrit sem ég get notað mér til að breyta þessu drasli.

Var aðeins að kíkja á gamlar færslur og þá sá ég nokkuð sem ég hafði skrifað þegar ég var að skrifa BA ritgerðina mína. Hvert er atbeini líkamans í krufningu?

Vá hvað ég sakna þess að vera í skóla og skrifa ritgerðir og vera í pælingum. Sakna þess að steja fram hugmyndir, hugsa um þær, rökræða og lesa sig til um hlutinn. Held að ég verði að fara að drífa mig í skóla aftur.

Fór á Sinfoníutónleika í gær. Mjög gaman að skoða skóna sem spilararnir voru í! He he. Vorum á fremsta bekk, eða sko við héldum að við ættum að vera á 2. bekk (sem við vorum) nema hvað að það var enginn á 1. bekk svo að við vorum fremst.

Gaman gaman.

Hér er það sem við fóru að sjá. Hund.

Nýtt ár

Jæja fólk. Mig langar til að óska ykkur öllum gleðilegs nýs árs. Vonandi hafið þið það sem allra best á nýju ári. Ég veit að ég ætla að hafa það rosalega gott á þessu ári.

Vííí

Ég get ekki annað sagt en að það sé kominn smá spenningur í kroppinn. Vííí.

Jólafríið byrjað

Jæja þá er maður bara kominn í 11 daga jólafrí, sjibbý kóla. Tók mér frí í vinnunni í dag og svo er ég líka í fríi á miðvikudag, finntudag og föstudag sem þýðir að ég hef nælt mér í 11 daga samfleytt jólafrí.
Fór ekki á fætur fyrr en um 9:30 sem mér finnst vera líxus miðað við að ég fer venjulega á fætur 6:30. Gott að sofa maður. Fékk mér sérstakt ká í morgunmat og fór svo að skrifa jólakort. Akkúrat núna eru lakkrískökurnar að bakast, eða þorna eins og stendur í Nönnu. Þetta var eiginlega svolítið fyndið þegar ég var að setja kökurnar á plötuna. Ég var búin að einbeita mér að því að sletta kökunum eins þétt og hægt var á plötuna svo að ég gæti komið öllum kökunum inn í ofnin í einu. Þegar ég er búin að troða á eina plötu og er að fara að byrja á næstu þá fatta ég að ég gleymdi að setja lakkrísinn í marengsinn. Úbbs. Jæja, ég skúbbaði leðjunni bara aftur yfir í skálina og hellti lakkrísnum útí. Gott að gera lakkrískökur en gleyma lakkrísnum. Ha ha ha.
Þegar þessar kökur verða tilbúnar þá verða ég búin að gera 4 tegundir af smákökum og ég held að það geti nú bara talist alveg ágætt.

Í dag er svo planið að fara aðeins í heimsókn til ömmu, fara í leikfimi (3. skipti í desember!!!), fara með einhverjar gjafir og kannski næ ég að plata Gunnar til að fara með mér í Ikea. Mu ha ha.

Annars var ég einmitt að rifja það upp hvað ég var að gera fyrir einu ári síðan. Við Gunnar voru í Vang Vieng í kommúnistríkinu Laos. Chill chill. Á þorláksmessu tókum við svo rútu til höfuðborgarinnar og þá hófst leit að vegabréfunum okkar, en á tímabili hélt ég að við værum búin að tapa þeim. Gott jólastress það. Núna er það bara jólastress yfir smákökubakstri og jólagjöfum en í fyrra var aðalstressið að finna vegabréfin. Ég vil nú eiginlega vera frekar stressuð yfir smákökum og jólagjöfum en að vera búin að tapa vegabréfi.

Allaveganna hlakka ég ágætilega mikið til jólanna í þetta skiptir. Þessi tími er líka einstaklega viðburðaríkur hjá okkur Gunnari, mikið að gerast. Jei!

Dimmasti dagur ársins.

Er það dagurinn í dag eða dagurinn á morgun sem er dimmasti dagur ársins. Er ekki alveg viss en ég vona allaveganna að það sé í dag. Það er búið að vera alveg svakalega dimmt yfir og ég sá bara næstum enga dagsbirtu í dag. Á morgun fer svo að birta. Jei. Gaman gaman.

Afrekaði það í dag að vera í fjóra kluktíma í hárgreiðslu, ég meina 4 KLUKKUTÍMA!!! Núna er ég komin með nýjan háralit og hugmynd að gejjaðri greiðslu. Rosa skemmtilegt allt saman. Er búin að fara tvisvar í leikfimi í desember. Úbbs. Lýtur ekki út fyrir að ég nái að fara 20 sinnum í mánuðinum. Verð bara að borða minna, það virkar vel líka.

Jæja, best að fara að sofa. Góða nótt.

Takk fyrir mig kæru vinkonur.

Þið eruð langbestar í öllum heiminum.

Hundskemmtilegt.

1.desember

Til hamingju Ísland, gleðilegan fullveldisdag.

Jæja þá er bara kominn desember og árið er að fara að verða búið. Núna er upp runnin sá tími þar sem ljólaljósin skína sem bjartast og skammdegið er sem mest.

Það sem mig langar að gera í desember er:

• Baka 5 -6 sortir af smákökum+
• Búa til jólagjafir
• Senda út jólakort
• Skreyta heimilið
• Kaupa jólatré
• Fara amk 20 sinnum í gymmið

Nú nú, bara stuttur listi. Sjáum samt hvað ég næ að komast yfir. Ég skila skýrslu í byrjun janúar :)

Hversu svekkjandi er að fara fyrr úr vinnunni og labba í ógeðisveðri niður í Baðhús til þess eins að komast að því að kennarinn sem kennir Balance verður ekki með tíman í dag, heldur er sennilegast leiðinlegasti kennari Baðhússins með tímann? Það er alveg ótrúlega fúlt, sérstaklega vegna þess að mig hlakkaði virkilega til að fara í þennan tíma og balancera mig. Var rúmlega helminginn af tímanum en hætti þegar byrjað var á jafnvægisæfingum. Iss piss, ég nenni nú ekki að vera í einhverjum brjáluðum jafnvægisæfingum hjá brjáluðum kennara svo að ég fór bara aðeins að æfa vöðvana mína og teygja bara sjálf á.

Massi!!!

Það er í tísku

Ég held að það sé í tísku að hella bjór í hárið á mér. Ég meina, ég fór að djamma um helgina og tvisvar sinnum var helt bjór yfir hárið á mér og einu sinni var ég bjórblaut á bringunni. Svo að ég minnist nú á það líka þá hefur lengi verið í tísku að stíga á mig á djamminu og oftast þegar ég vakna daginn eftir þá er ég með marbletti á löppunum. Þegar við vorum að fara út af Sólon þá steig einn dyravörðurinn á mig. Ég sagði bara þakkaði honum kurteisislega fyrir að hafa stigið á mig og hann sagði bara fyrirgefðu.
Tvisvar lennti ég í því að hárið á mér festis einhversstaðar. Einu sinni vorum við í biðröð og hárið á mér festist í einhverjum með þeim afleiðingum að þegar loksins kom að því að við stöllurnar áttum að fá að fara inn þá komst ég ekki neitt vegna þess að ég var föst í einhverjum. Hildigunnur reddaði mér samt og við komumst loksins inn á skemmtistaðinn.
Það var líka sett met í skemmtistaðaflakki um helgina. Fórum á fimm skemmtistaði og meira að segja tvisvar á einn. Hressó til að byrja með, fín stemmning og góð tónlist, rassaklíparar í miklu aksjóni. Sólon, massa mikið af reyk og smástelpum (og strákum). Tókst að brjóta hringinn minn :( Hverfisbarinn, Skemmtó tónlist og ágætis bjór. Bar 11, mega furðulegt fólk og alveg pakkað. Það var sko varla hægt að hreyfa sig þarna inni, svo pakkaður var þessi pínulitli staður. Vegamót, lengsta biðröðin og styðsta viðveran. Mér fannst nú ágætlega skemmtilegt þarna en stelpurnar voru ekki alveg að fíla sig svo að við fórum bara út eftir stutta stund og fórum aftur á Hressó. Rosa gaman að prófa bara fullt af skemmtistöðum. Vííí

Já já. Alltaf gaman að fara á djammið í borg óttans.

Vá maður það er bara kominn nóvember og hann er meira að segja að verða búinn. Bara örfáir dagar til jóla og síðan bara nokkrir dagar til viðbótar í stóra daginn. Jibbý jei. Ég er nú farin að vera ágætlega spennt ef ég á að viðurkenna það.

Búin að lesa Eldest og ég hlakka mikið til að lesa bók 3. Vei

Heyrðu, ég er bara ekki í miklu stuði akkúrat núna, læt kannski heyra meira frá mér seinna í dag :)

Fyrir ári síðan vorum við Gunnar í Mangalore á Indlandi. Það var ein af skemmtilegri borgum sem við fórum til, ekki vegna þess að þar var mikið af flottu og spennandi dóti til að skoða og gera, það var bara frábært að eiga góðan dag í indverskri borg án þess að upplifa allt þetta ferðamannavesen. Svo var líka einstaklega góður og ÓDÝR matur sem við fengum þarna. Vá hvað mig langar aftur til Indlands. Það verður víst að bíða betir tíma, held að mig langi að fara í nýja heimsálfu næst þegar ég fer á flakk. Ég hef aldrei komið til suður-ameríku og ég hef bara verið einn dag í mið-ameríku svo að hugurinn leitar þangað. Slef, slef. Svo hef ég reyndar bara komið til Afríku norðan sahara svo að sunnanverð Afríka er alveg eftir. Slef, slef. Spurnig hvað verður fyrir valinu næsta sumar??

Annars er bara allt í góðu hjá mér. Undirbúningur í fullum gangi. Sat uppi í sófa í gær þangað til ég var orðin rangeygð, ekki af sjónvarpsglápi helgur af því að þræða perlur upp á vír. Mjög skemmtilegt. Það var reynar kveikt á sjónvarpinu og ég fylgdist með því þegar ég leit upp frá föndrinu. Innlit - Útlit var fyrst á dagskrá hjá mér, alveg glimmrandi ágætur þáttur. Gaman að sjá líka þar sem herbergi/heimili eðlilegs fólks eru tekin fyrir. Næst horfði ég á seinni helming af einum þætti og fyrri helming úr næsta í seríunni 24. Hef eiginlega ekkert horft á þessa þætti og ég verð að segja að þetta eru ekki svona þættir sem maður dettur inn í ef maður horfir bara á einn og einn. En eins og ég segi þá var ég að föndra og það var ágætt fyrir mig að hafa kveikt á imbanum svo að ég myndi nú ekki sofna yfir perlunum.

Í kvöld er það svo dans, vei!! Heyrði samt í útvarpinu áðan að þeir sem væru í dansi væri hálfitar eða hommar. En ef þeir væru hommar þá væri það nú samt í lagi að dansa af því að þeir væru hvort eð er svo skrítnir fyrir. Er ekki alveg sammála þessu, það er alveg hörkustuð hjá okkur í dansinum, held meira að segja að strákunum finnist þetta lúmst gaman.

Er ég feit?

Helginni varið í Kaupmannahöfn: Rosalega gaman. Bjór, bjór og rauðvín. Góður matur. Chai. Föt, föt og föt. Verslaði mér hvíta ullarkápu og hvíta támjóa skó. Hundskemmtilegt.

Á tímabili fannst ég mér vera alveg svakalega feit. Ég leitaði um allt að fötum sem pössuðu á mig en það eina sem ég fann var í of litlum stærðum og þá hugsaði ég með mér að ég væri orðin svo feit að ég passaði ekki í neitt í búðinni. Síðan þegar ég loksins fann eitthvað sem passaði á feita og sveitta rassinn minn þá beið ég í biðröð eftir að geta horft á mig í speglinum inni í búningsklefanum. Þegar ég var komin í fötin fannst mér ég líta alveg hræðilega út, húðin neonhvít og þvöl eftir að hafa verið heitt inni í búðinni. Ljósin inn í búningsklefanum rosa sterk og óaðlaðandi og spegillinn allt of nálægt svo að það var ekki hægt að komast hjá því að sjá asnalega spegilmynd af sjálfum sér.

En þegar ég kom út úr búðinni þá fór ég að hugsa aðeins út fyrir kassan. Kannski að mín stærð sé bara aðalstærðin og það sé ástæðan fyrir því að hún sé uppseld og bara eftir stærðir sem smástelpur passa í. Ég sá auðvitað líka stærðir sem voru of stórar á mig.
Mátunarklefar eru manns versti óvinur þegar kemur að því að láta mann líta vel út, ég veit það ósköp vel. Þegar ég kom heim á hótel, búin að fara í sturtu og komin í nýju fötin þá sá ég að ég var bara þokkalega vel útlítandi.

Boðskapur sögunnar: Ég er ekki feit, ég er normal. Mátunarklefar eru ósniðugir.

Ps. Þegar ég var í Kaupmannahöfn borðaði ég mikið af óhollum mat og drakk bjór. Fékk mér einu sinni smörrebröd með svo miklu mæjónesi að mér var illt í maganum í marga klukkutíma: Ógeðslegt. Samt var ég búin að léttast þegar ég steig á vigtina í dag eftir vikufrí frá gymminu. Hundskemmtilegt.

Jæja, best að fara að koma sér að verki. Missjón kvöldsins er að reyna að klára að föndra boðskort svo að aðeins eigi eftir að setja texta í þau.